இணைப்பு பயிற்சி 2-
(வினாச்சொற்களை அறிந்து வினாக்களை உருவாக்குதல்)
பக்க எண் 7 க்கான விடைகள்
1. அரிக்கமேடு அகழாய்வில் ரோமானிய மட்பாண்டங்கள் கிடைத்தன.
வினா: தமிழகத்தில் எங்கு நடந்த அகழாய்வில் ரோமானிய மட்பாண்டங்கள் கிடைத்தன ?
* அரிக்கமேடு அகழாய்வில் கிடைத்த மட்பாண்டங்கள் எந்த நாட்டைச் சேர்ந்தவை ?
* எந்நாட்டைச் சேர்ந்த மட்பாண்டங்கள் அரிக்கமேடு அகழாய்வில் கிடைத்தன ?
2 . உழைத்துச் சேர்த்த பணத்தைப் பெட்டியில் பூட்டி வைக்கும் பழக்கம் இன்று இல்லை.
வினா: உழைத்துச் சேர்த்த பணத்தைப் பெட்டியில் பூட்டி வைக்கும் பழக்கம் இன்று உள்ளதா ?
3. தமிழக மக்கள் பயன்படுத்தும் குடும்ப அட்டைகள் திறன் அட்டைகளாக மாற்றப்பட்டுள்ளன.
வினா: தமிழக மக்கள் பயன்படுத்தும் குடும்ப அட்டைகள் எவ்வாறு மாற்றப்பட்டுள்ளன ?
4. உரிச்சொற்கள் செய்யுளுக்கே உரியன என்று நன்னூலார் கூறுகிறார்.
வினா: உரிச்சொற்கள் செய்யுளுக்கே உரியன என்று கூறுபவர் யார் ?
---------------------------------------------------------------------------------------------------------------------------------------------
2. பத்தியைப் படித்துக் காரண காரிய அடிப்படையில் வினாக்கள் உருவாக்குக.
பெரியாரின் சிந்தனைகள் தொலைநோக்கு உடையவை; அறிவியல் அடிப்படையில் அமைந்தவை; மனித நேயம் வளர்க்கப் பிறந்தவை. நடைமுறைக்கு ஒவ்வாத கருத்துகளை அவர் எப்பொழுதும் கூறியதில்லை. மேலும், தமது சீர்திருத்தக் கருத்துகளுக்கேற்ப வாழ்ந்து காட்டினார்; தம் வாழ்நாள் முழுவதும் பகுத்தறிவுக் கருத்துக்களைப் பரப்புரை செய்தார்; சமுதாயத்தை மூடப்பழக்கங்களிருந்து மீண்டெழ அரும்பாடுபட்டார்;அதற்காகப் பலமுறை சிறை சென்றார்;பலரின்கடும் எதிர்ப்புகளைச் சந்தித்தார். இறுதி மூச்சுவரை சமூகச் சீர்திருத்தப் போராளியாகவே வாழ்ந்து மறைந்தார்.
வினாக்கள்
1. பெரியாரின் சிந்தனைகள் எப்படிப்பட்டவை ?
2 . தமது சீர்திருத்தக் கருத்துகளுக்கேற்ப வாழ்ந்து காட்டியவர் யார் ?
3. பெரியார் தம் வாழ்நாள் முழுவதும் பரப்புரை செய்த கருத்துகள் எவை ?
4. சமுதாயத்தை மூடப்பழக்கங்களில் இருந்து மீட்க அரும்பாடுபட்டவர் யார் ?
5. பெரியார் ஒரு சமூகச் சீர்திருத்தப் போராளி என்பதை நிறுவுக.
No comments:
Post a Comment