சித்திரக்கவி - விளக்கம்

சித்திரக் கவி- விளக்கம்

    பத்தாம் வகுப்பு  இயல் 1 ல் துணைப்பாடம் ”பரிதிமாற்கலைஞர்” பாடத்தில், பரிதிமாற்கலைஞர் சித்திரக்கவி எழுதும் புலமை பெற்றவர் என்று குறிப்பிடப்பட்டுள்ளது. 

சித்திரக்கவி என்றால் என்ன? என்பதற்கான விளக்கம்  இதோ உங்கள் முன்.

தமிழர்களது அழிந்து கொண்டுவரும் கலைகளில் ஒன்றான சித்திரக் கவி பற்றி ஆராய்வது எங்கள் முன்னே உள்ள தேவையை உணர்த்தி நிற்கின்றது . இந்த சித்திரக் கவி எப்படிப்பட்டது என்று பார்பதற்கு முதல் , சித்திரக் கவி என்றால் என்ன என்பதும் அதன் ஆதிமூலத்தையும் நாம் பார்க்க வேண்டும் .

தமிழ் மொழியில் உள்ள ஐந்து வகை இலக்கணங்களான எழுத்து, சொல், பொருள், யாப்பு, அணி ஆகியவற்றில் , அணி இலக்கணத்தை விளக்குமுகமாக எழுதப்பட்ட நூல் தண்டியலங்காரம் ஆகும் . இந்தத் தண்டியலங்காரம் எழுதப்பட்ட காலம் அண்ணளவாக பனிரண்டாம் நூற்றாண்டுகளாகும் ( (1133-1150) . இந்த தண்டியலங்காரம் மூன்று பெரும் பிரிவுகளாகப் பிரிக்கபட்டு ( பொதுவியல், பொருளணியியல், சொல்லணியியல் ) சொல்லணியியலில் சித்திரக் கவி பற்றிய விளக்கங்கள் கூறப்பட்டுள்ளன .

எங்களால் உருவாகப்பட்ட அனைத்துக் கலை வடிவங்களுமே இலக்கியத்தை மையபடுத்தியே சுற்றிச் செல்கின்றன . எப்படி என்றால் , ஒரு இலக்கியத்தைக் கேட்பதாலும், எழுதுவதாலும், பேசுவதாலும், உணருவதாலும், காட்சியாக வரைவதாலும், காட்சியாகக் காண்பதாலும் மனித மனத்தை மகிழ்ச்சி அடையச் செய்ய இயலும் ஒரு கவிதையை இசையோடு இனிமையாகப் பாடினால் அதைக் கேட்பவர் மகிழ்ச்சி அடைகின்றார் . இதன் மூலம் இலக்கியம் இசையோடு கலந்து விடும் கலையாகி விடுகிறது.

அதேபோல் ஒரு கவிதையை அபிநயம் பிடித்து நடனம் ஆடினால், அது நாட்டியக் கலையாக அமைந்து விடுகிறது. அதே கவிதை தரும் பொருளை, இருவர் உரையாடும் நாடகக் காட்சியாக மாற்றி நடித்தால் நாடகக் கலை உருவாகி விடுகிறது. இதையே திரைப்படமாக , அசையும் படமாக , தொலைக்காட்சித் தொடராக , காட்சிப் படமாகவும் ஆக்கவும் முடியும் . இவ்வாறாக இலக்கியமானது மற்றய கலைகளுக்கு மையமாகவும், மற்ற கலைகள் இலக்கியத்தைச் சார்ந்து அமைவனவாகவும் விளங்குகின்றன.

இலக்கியத்தில் இடம் பெறும் மொழியே, சொல்லே, எழுத்தே ஓவியம் போல அமைந்தால் இன்னும் எவ்வளவு சிறப்பாக இருக்கும். அவ்வாறு எழுத்துகள் செய்யுளுக்குள்ளேயே ஓவியமாக மடங்கி நிற்கும் முறையே, அமைப்பே சித்திரகவி என்று வகைப்படுத்திக் கொள்ளலாம் .

ஒரு கவிதைக்குள் , எழுத்துகள் மடங்கி, மடங்கி நின்று ஓவியமாக அமைவதை சித்திரகவி என்று சொல்லலாம் . உதாரணமாகப் பின்வரும் பகுதியைப் பார்ப்போம் .

இந்தப் படத்திலே , "பாப்பா" என்ற சொல்லு நெடுக்கு வாட்டிலும், குறுக்கு வாட்டிலும் இரண்டு முறை எழுதப்பட்டுள்ளது. ஆனால் மேற்கண்ட படத்தில் ஆறு இருமுனை அம்புக்குறிகள் காட்டப் பட்டுள்ளன . இதன் மூலமாக 12 முறை பாப்பா என்ற சொல்லை நீங்கள் எடுக்க முடியும். இது ஒருவகையான வடிவ விளையாட்டாகும் ஆனால் . இந்த விளையாட்டைக் கவிதைக்குள் செய்வது, சித்திரகவி எனப்படுகிறது.

 

இந்த சித்திரக் கவியின் வகைகளை இதன் ஆதி மூலமான தண்டியலங்கரத்தில் ஒரு நூற்பா வடிவத்தில் நாங்கள் காணலாம் ,

கோமூத் திரியே, கூட சதுக்கம்,

மாலை மாற்றே, எழுத்து வருத்தனம்,

நாக பந்தம், வினாவுத் தரமே,

காதை கரப்பே, கரந்துறைச் செய்யுள்,

சக்கரம், சுழிகுளம், சருப்பதோ பத்திரம்,

அக்கரச் சுதகமும் அவற்றின் பால

(தண்டியலங்காரம்-97)

அதாவது , கோமூத்திரி , கூடச் சதுக்கம் , மாலைமாற்று , எழுத்து வருத்தனம் , நாக பந்தம் , வினாவுத்தரம் , காதை கரப்பு , கரந்துறைப்பாட்டு , சக்கர பந்தம் , சுழிகுளம் , சருப்பதோ பத்திரம் , அக்கரச் சுதகம் , என்று பன்னிரெண்டு வகைப்படும் . இந்த பன்னிரெண்டு வகையான சித்திரக் கவிகளுக்குமே விதிமுறைகள் உள்ளன . அவற்றை ஒவ்வன்றாக நாங்கள் பார்க்கலாம் .

01 கோமூத்திரி :

ஒரு பசுமாடு வீதியில் நடந்து செல்லும் பொழுது சிறுநீர் கழிப்பதைப் பார்த்து இருப்பீர்கள் . அந்த மாடு இயற்கையான முறையிலே சிறுநீரைக் கழித்து இருந்தால் அந்தச் சிறு நீர் வளைவு வளைவாக தரையில் பட்டிருக்கும். அதாவது மேல் மேடு ஒன்று - கீழ்ப்பள்ளம் ஒன்று என அந்த வளைவு அமையும். அதுவே இரண்டு மாடுகள் சிறுநீர் கழிப்பதாக இருந்தால் இரு எதிர் எதிர் வளைவுகள் கிடைக்கும். அந்தக் கவிதையை அமைப்பது கோமூத்திரி என்னும் சித்திரகவியாகும். (கோ = பசுமாடு ; மூத்ரி = மூத்திரம்). கோ மூத்திரி சித்திரக் கவிதை எழுதும் பொழுது பின்வருமாறு எழுதப் படவேண்டும் .

"கவிதையின் முதலடியில் உள்ள எழுத்துகளும், இரண்டாம் அடியில் உள்ள எழுத்துகளும் ஒன்று இடையிட்டு ஒன்று நேர் எதிர் இணைப்பினவாக அமையும் முறையில் சித்திரக்கவி எழுதப் படவேண்டும்". உதாரணமாக ,

பருவ மாகவி தோகன மாலையே

பொருவிலாவுழை மேவன கானமே - (முதல் அடி)

மருவு மாசைவி டாகன மாலையே

வெருவ லாயிழை பூவணி காலமே - (இரண்டாம் அடி)

பொருள் :

தோழி ஒருவள் தனது தலைவிக்குப் பின்வருமாறு கூறுகின்றாள் “தலைவியே ! தலைவன் வருவதாகச் சொன்ன கார்காலம் இதுதான். எல்லாத் திசைகளிலும் மேகங்கள் காணப் பெறுகின்றன. மாலைப் பொழுதில் இம்மேகங்கள் தொடர்ந்து மழையைத் தந்து கொண்டே இருக்கப் போகின்றன. காட்டிலே மான்கள் இக்காலத்தின் வருகையால் மகிழ்ந்து விளையாடுகின்றன. உயர்ந்த அணிகலன்களை அணிந்தவளே ! தலைவன் மலர்களால் உன்னை அழகு செய்ய வரப்போகிறான் கலங்காதே”

இதை சித்திரக் கவியாக வரைந்தால் பின்வருமாறு அமையும் ,

(1)
முதல் அடி

இரண்டாம்அடி

(2)
முதல் அடி

(3)
முதல் அடி
இரண்டாம் அடி

02 கூடச் சதுக்கம்:

ஒரு சித்திரக் கவியில் அமைந்துள்ள கவிதையில் இறுதி அடியில் அமைந்துள்ள எழுத்துக்கள் யாவும் முன்பாக அடியில் உள்ள அடிகளில் இருந்து இயற்ரப்பட்டல் அது கூடச் சதுக்க சித்திரக் கவி என்று வரையறை செய்து கொள்ளலாம் (கூடம் = மறைவு; சதுக்கம் = மறைவான நிறைவு அடியை உடையது) உதாரணமாக ,

2 3 4 5 6 7 8 9 10 11 1
மு க ந க/ ந ட் ப து/ ந ட் பு அ ன் று/ நெ ஞ் ச த் து

அ க ந க/ ந ட் ப து/ ந ட் பு
1 2 3 4 5 6 7 8 9 10 11

இது ஒரு திருக்குறளாகும் . இந்தக் குறளில் கீழடியில் உள்ள 11 எழுத்துகளும் முன்னடியில் இருந்து பெறப்பட்ட எழுத்துகளால் இயற்றப் பட்டதாகும் .

03 மாலைமாற்று :

மாலை மாற்று (Palindrome) என்பது எந்தத் திசையிலிருந்து வாசித்தாலும் ஒரே மாதிரி இருக்கும் சொல், தொடர் அல்லது இலக்கம் என்று நாங்கள் வரையறை செய்து கொள்ளலாம் . தமிழ் மொழியில் விகடகவி, திகதி, குடகு போன்ற சொற்கள் மாலை மாற்றுகள் ஆகும். உதாரணமாக ,

பூவாளை நாறுநீ பூமேக லோகமே
பூ நீறு நாளைவா பூ 

பொருள் : 

தலைவியைக் கூடி மகிழ வந்த தலைவனைத் தோழி

தடுத்ததாக இப்பாடல் அமைகிறது.

“ பூப்பு அடையாதவளை அடைய விரும்பிய மேகமே ! நீ

பூமழை பொழிய வந்தாயோ ! பூவும் நீறும் கொண்டு நாளை

வா ! இன்று அவள் பூப்பு அடைந்திருக்கிறாள்.”

இப்பாடல் தலைவி கூடி மகிழும் அளவிற்கு உடல் அளவில்

உரியவளாக இல்லை. அதனை மறைமுகமாகத் தலைவனுக்கு

உணர்த்த மேகத்தை அழைத்துச் சொல்வதாகத் தோழி

பேசுகிறாள்.

இதை விட ஒரு எளிமையான பாடல் ஒன்று ,

தேரு வருதே மோரு வருமோமோரு வருமோ தேரு வருதே

பொருள் :

வெயில் கடுமையாக உள்ளது. தேர் வரும்போது நீர் மோர் வருமோ? நீர் மோர் வருகிறது. ஓ! தேரும் வருகிறது. நன்று, நன்று.

தமிழரின் பக்தி இலக்கியங்களில் இந்த மாலை மாற்று ஒன்று வருகின்றது . திருஞானசம்பந்தமூர்த்தி நாயனாரின் மாலைமாற்றுத் திருப்பதிகத்தில் 10 மாலை மாற்றுத் திருப்பதிகங்களும் ஒரு மாலை மாற்றுத் திருக்கடைக்காப்பும் உள்ளன. அவற்றில் உள்ள ஒரு பாடல் இவ்வாறு சொல்கின்றது ,

யாமாமாநீ யாமாமா யாழீகாமா காணாகாகாணாகாமா காழீயா மாமாயாநீ மாமாயா

இதன் பொருள் :

யாம் ஆமா-யாம் ஆன்மா என்னும் பசு, சீவாத்மா
நீ ஆம் மாமா-நீ பெரிய ஆன்மா, பரமாத்மா
யாழ் ஈ காமா-யாழிசை நல்கிய என் ஆசைப் பொருளே
காணாகா-இப்படியெல்லாம் கண்டு என்னைக் காப்பாற்று
காணாகா-இப்படியெல்லாம் பிரித்துக் காணாமல் என்னைக் காப்பாற்று
காழீயா-சீர்காழியானே
மாமாயா நீ-அம்மை அம்மை ஆம் நீ
மாமாயா-(இப்படி) பெரிய மாயமானவனே

04 எழுத்து வருத்தனம் :

வருத்தனம் என்றால் வளருதல் என்று நாங்கள் பொருள் கொள்ளலாம் . ஒரு
கவிதையில் பல கருத்துகள் சொல்லப்பட்டதாகக் கொள்வோம். அதில் முதற்கருத்து ஒரு சொல்லின் அடிப்படையாய் அமைகிறது என்று எடுத்துக் கொண்டால், அந்தச் சொல்லில் சில எழுத்துகளை மேலும் மேலும் சேர்த்துப் பொருள் பெறுவது எழுத்து வருத்தனம் (எழுத்து வளர்த்தல்) என்ற சித்திரகவியாகும். இதை எளிய முறையில் சொலவதானால் ,
மதுரை என்பது ஓர் ஊரின் பெயர். அதில் ரை எழுத்து மறைந்தால் குடிக்கும் கள் கிடைக்கும். அதனோடு ந என்ற எழுத்து சேர்ந்தால் நமது என்ற உடமைச் சொல் கிடைக்கும். இவ்வகையில் கிடைத்த சொற்கள் மதுரை, மது, நமது என்பனவாகும்.

இதோ ஒரு உதாரணம் ,

"ஏந்திய வெண்படையு முன்னால் எடுத்ததுவும்
பூந்துகிலு மால்உந்தி பூத்ததுவும் - வாய்ந்த
உலைவில் எழுத்தடைவே யோரொன்றாச் சேர்க்கத்
தலைமலைபொன் தாமரையென் றாம்."

பொருள் :

திருமால் சங்கு ஆயுதத்தை உடையவர். அவர் முன்னொரு காலத்தில் கோவராத்தன மலையை கைவிரலால் தூக்கினார். அவர் பொன்னாடை அணிபவர், அவரின் தொப்புழ்க் கொடியில் பிரம்மா இருக்கிறார்.

சொல் வளருதல்:

(1) ஏந்திய வெண்படை
(திருமாலின் வெள்ளை
ஆயுதம்) கம்பு (சங்கு)

(2) (கம்பு என்பதில் ஒரு எழுத்து
நீங்க கம் (தலை) என்பது
கிடைக்கும். கம்

(3) முன்னால் எடுத்தது
(கோவர்த்தன மலையைத்
திருமால் குடையாகப்
பிடித்தார்)

(ந என்ற எழுத்து வர நகம்
(மலை) கிடைத்தது.) (ந) கம் (மலை)

(4) பூந்துகில்
(திருமால் உடுத்தும் ஆடை)
(க என்ற எழுத்து மேலும்
இணைய கநகம் (பொன்)
கிடைத்தது.) கநகம்
(பொன்னாடை)

(5) மால் உந்தி பூத்தது
(திருமால் தொப்பூழ்க்
கொடியில் தாமரை பூக்க
அதில் பிரம்மா இருப்பார்)
(கோ என்ற எழுத்து மேலும்
வர கோகநகம் (தாமரை)
கிடைத்தது.) கோகநகம் 

இதில் எழுத்து வளருதலாக வந்த தலை, மலை, பொன், தாமரை ஆகியன செய்யுளின் இறுதியடியில் சொல்லப் பெற்றுள்ளன. இறுதியடியில் சொல்லப் பெற்ற இவற்றை எழுத்தடைவாக - எழுத்துப் பெறுதலாக - எழுத்து வருத்தனமாகக் கொண்டு இங்கு நாங்கள் சித்திரகவியாகக் காண முடிகிறது.

 

சித்திரக்கவி-

எல்லா பொருள்களும் முழுமையுர உணரும் பரஞானம் வாய்ப்பதற்காக அருளப் பட்டவை சித்திரக்கவிகள்" என்று சேக்கிழார் கூறியுள்ளார் (பெரிய புராணம் 2179 & 2180). பாடுபவரின் மொழிபுலமை மற்றும் மொழியின் செழுமையை மற்றவர்களுக்கு வெளிப்படுத்தும்படி அமைந்தவை சித்திரக்கவிகள் என்பது ஆய்வலர் முடிவு. தமிழ் தவிர பிற மொழிகளில் இந்த கவி அமைப்பு கிடையாது என்று கருதப்படுகிறது.

சித்திரக்கவி என்பது தமிழில் காணப்படும் இலக்கியப் பாங்குகளில் ஒன்று. தொல்காப்பியம் குறிப்பிடும் வண்ணங்கள் சித்திரக் கவிகளின் தோற்றுவாய். [திருமங்கையாழ்வாரால்]] பாடப்பட்ட "திருஎழுகூற்றிருக்கை" ஓவியப் பாங்குடன் அமைந்த சித்திரக்கவி. இவரை பின்பற்றி அருணகிரிநாதரும் அமைத்துள்ளார். இவர்களின் வரிசையில் பாம்பன் சுவாமிகளும் சித்திரக்கவிகள் படைத்துள்ளார்.

எடுத்துக்காட்டு

வகைகள்-

அட்டநாக பந்தம்

எழுத்துவர்த்தனம்

மாலை மாற்று

                                                                  தொடரும்

சதாவதானி ஷைகுத்தம்பி பாவலர்

சதாவதானி ஷைகுத்தம்பி பாவலர் 

ஷைகு தம்பி பாவலர் என்றாலே நமக்கெல்லாம் ஞாபகத்திற்கு உடன் வரும் நிகழ்வு ஒன்று அது.. ஒருவர் பாவலரிடம் நூறு ரூபாய் கேட்டுப் போக பாவலர் அவர்கள் அந்த நூறு ரூபாய் கொடுக்கையில் அதைப்பற்றி சொல்லிக்காட்டிய சிலாகிப்புகள் எல்லாராலும் அன்றிலிருந்து இன்று வரை ரசிக்கப்பட்டவை அது

"ஒரு" நூறு தருகிறேன்..
"இரு" நூறு தருகிறேன்
"முன்" நூறு தருகிறேன்
"நான்" நூறு தருகிறேன்
"ஐ" நூறு தருகிறேன்
"அற" நூறு தருகிறேன்
"எழு"  நூறு தருகிறேன்

இன்னும் சொன்னார்களா என எனக்கு தெரியவில்லை. இத்தனை கூறியும் குறிப்பிட்டதெல்லாம் அந்த ஒரு நூறு ரூபாயைத்தான் அது தான் சதாவதானி. நிலத்தில் தசாவதானிகளை கண்டுபிடித்துவிடலாம் ஆனால் தசாவதானிகளை காண்பது சிரமம் என்பார்கள்.. ஆனால் தமிழுலகம் ஏற்று போற்றிய தமிழின் உயர்வல்லமை பொருந்திய ஒருவர் இருந்தார் என்றால் அது சதாவதானி அவர்கள் தான்.

பாவலர் சதாவதானம் செய்து கொண்டிருக்கும்போது ஒருவர் ஈற்றடி கொடுத்து பாடச் சொன்னார்...

''கண் கெட்ட பின்னென்றும் காணாத காட்சியைக் கண்டனரே"
எல்லோரும் திகைத்தனர்...
அது எப்படி முடியும்...?
கண் கெட்ட பிறகு சூரிய நமஸ்காரம் என்பார்களே அது போல் அல்லவா இருக்கிறது...
பாவலர் திகைத்தாரில்லை...

இந்து மத வேதங்களையும் இலக்கியங்களையும் விரல் நுனியில் வைத்து விளையாடும் அவர்க்கு இந்த ஈற்றடித் தலைப்பு எம்மாத்திரம்...?

அவர்க்குப் பெரிய புராணத்தின் காட்சி ஓன்று கண்களில் ஆடியது.
ஆமாம். திண்ணப்பர் கண்ணப்பரான கதையது..
வேட குல கண்ணப்பர் ஒரு சிவ பக்தர்...
காட்டுப் பொருட்களையும் வேட்டைப் பொருட்களையும் சிவனுக்குக் காணிக்கையாய் படைப்பவர்...
ஆனாலும் அனுதினமும் அயராமல் சிவ பூசை செய்பவர்...
அவரிடம் விளையாடிப் பார்க்க வேண்டும் என்ற ஆசை சிவனுக்கு வந்தது...
என்ன செய்தார் தெரியுமா...?
அவர் பூசை செய்யும் நேரத்தில் தன்னுடைய கண்களில் இருந்து இரத்தக் கண்ணீரை வழிய விட்டார்...
பதறிப் போனார் திண்ணப்பர்...
ஐயையோ...! என்னுடைய சிவன் கண்களில் இரத்தமா...
எப்படித் துடைப்பேன் என்று யோசித்தார்..
ஏதேதோ செய்து பார்த்தார்...
வேடருக்கு என்ன மருத்துவம் தெரியும்...?
பக்கத்திலே கிடந்த மூலிகைகளைப் பறித்து வைத்தியம் செய்தார்...
அப்போதும் இரத்தம் நிற்கவில்லை..
ஒன்றுமே புரிய வில்லை..
திகைத்து நின்றவருக்குத் திடீரென்று ஒரு யோசனை உதித்தது...
அப்படிச் செய்து பார்த்தால் என்ன என்று நினைத்தவர் தன கையில் இருந்த வேலைக் கொண்டு தன்னுடைய ஒரு கண்ணைப் பெயர்த்தார்...
அப்படியே சிவன் கண்ணில் பொருத்தினார்...
வழிந்த ரத்தம் நின்றது...
கண்ணுக்குக் கண் சரியாயிற்று.....!
மகிழ்ச்சியில் ஆனந்தக் கூத்தாடினார் திண்ணப்பர் ...
ஆனால் அந்த மகிழ்ச்சி நெடுநேரம் நீடிக்கவில்லை...
சிவனுக்கு மீண்டும் ஒரு விபரீத எண்ணம்...
இன்னும் கொஞ்சம் விளையாடிப் பார்த்தால் என்ன...?
திடீரென்று அடுத்த கண்ணிலும் இரத்தத்தை வழிய விட்டார்..
இப்போது திண்ணப்பர் திணறவே இல்லை..
உடனே தன்னுடைய மற்றொரு கண்ணையும் பெயர்த்துப் பொருத்தி விட்டார்...
அகமகிழ்ந்து போனார் சிவபெருமான்...
இப்படிப்பட்ட நல்ல மனம் கொண்ட வேட பகதனையா சோதித்தோம்...?
அவனுக்கு தன்னுடைய திருக்காட்சியை வழங்கி விட வேண்டியதுதான் என்று திருக்காட்சி வழங்கினார்..
திண்ணப்பருக்கு இப்போது சிவக் காட்சி கிடைத்தது..
ஊனக்கண் போன பிறகு ஞானக் கண் கிடைத்து இதுவரை காணாத காட்சி கிடைத்தது..
திண்ணப்பனே! ...எனக்குக் கண் வழங்கிய காரணத்தால் இன்று முதல் உனக்குக் கண்ணப்பன் என்ற பெயரை வழங்குகிறேன் என்று கூறி திருக்காட்சி வழங்கினார் சிவ பெருமான்...
பக்தனுக்கு இறைக் காட்சியை விட வேறென்ன வேண்டும்...?
இதை அப்படியே கவிதையாக்கி ஒவ்வொரு வார்த்தையாக உதிர்த்துக் கவிதையாக்கினார் பாவலர்...

"விண் தொட்டசையும் தருமலி கானில்
பண்பட்ட செந்தமிழ் பாவாணர் போற்றும் பரமன் விழி
புண் பட்டதென்று தன் கண்ணைப் பெயர்த்துப் பொருத்தியிரு
கண் கெட்ட பின்னென்றும் காணாத காட்சியைக் கண்டனரே..."
இந்த இலக்கிய அழகில் கேள்வி கேட்டவர் மட்டுமா அனைவருமே அழகிய இலக்கியக் காட்சியை அல்லவா கண்டார்கள்...?

தமிழ் அன்பர்களுக்காக மேலும் ஒரு தகவல்....
பாவலர் சொன்ன ஏகம்...!பல் சமய நண்பர்களுடன் பழக்கம் கொண்டிருந்தும் எந்த மத காழ்ப்புணர்வுக்கும் இடம் கொடுக்காதவர் பாவலர்..

சமயக் காழ்ப்புணர்வுக்கு அப்பாற்பட்டு பிற சமய தெய்வங்களைப் பாடினார் எனினும் அடிநாதமாக ஏகத்துவம் எனும் ஒளியிழை அவர் பாடல்களில் பொதிந்து கிடந்தது...

நபிகள் நாயக மான்மிய மஞ்சரியில் ஏகத்துவம் குறித்து அவர் பாடுவதைப் பாருங்கள்...

எவையெல்லாம் இறை என்று மக்களால் கருதப் படுகிறதோ அதையெல்லாம் ஒவ்வொன்றாய் ஒதுக்கி வைத்து விட்டு
உண்மையான ஏகத்தை நிலை நிறுத்த முயல்கிறார்...

யோகமன்று ஞானமன்று யூகமன்று மோனமன்று
தேகமன்று நாமமன்று சித்தமன்று சத்தமன்று
போகமன்று சுத்த பரிபூரணத்தில் பூரணமா
ஆக நின்ற ஏகம் ...

வானுமில்லை நீருமில்லை வாயுமில்லை தேயுமில்லை
நானுமில்லை நீயுமில்லை நாளுமில்லை கோளுமில்லை
பானுமில்லை மீனுமில்லை பாரமதியோடு வெளி
தானுமில்லை ஏகம்

விண்ணுமில்லை மண்ணுமில்லை மேலுமில்லை கீழுமில்லை
பெண்ணுமில்லை ஆணுமில்லை பேடுமில்லை மூடுமில்லை
தண்ணுமில்லை சூடுமில்லை சார்ந்தகர ணாதிகளின்
கண்ணுமில்லை ஏகம்....
சமயக் காழ்ப்புணர்வுக்கு அப்பாற்பட்டு பிற சமய தெய்வங்களைப் பாடினார் எனினும் அடிநாதமாக ஏகத்துவம் எனும் ஒளியிழை அவர் பாடல்களில் பொதிந்து கிடந்தது...
நபிகள் நாயக மான்மிய மஞ்சரியில் ஏகத்துவம் குறித்து அவர் பாடுவதைப் பாருங்கள்...
எவையெல்லாம் இறை என்று மக்களால் கருதப் படுகிறதோ அதையெல்லாம் ஒவ்வொன்றாய் ஒதுக்கி வைத்து விட்டுஉண்மையான ஏகத்தை நிலை நிறுத்த முயல்கிறார்...

யோகமன்று ஞானமன்று யூகமன்று மோனமன்றுதேகமன்று நாமமன்று சித்தமன்று சத்தமன்றுபோகமன்று சுத்த பரிபூரணத்தில் பூரணமாஆக நின்ற ஏகம் ...
வானுமில்லை நீருமில்லை வாயுமில்லை தேயுமில்லைநானுமில்லை நீயுமில்லை நாளுமில்லை கோளுமில்லைபானுமில்லை மீனுமில்லை பாரமதியோடு வெளிதானுமில்லை ஏகம்
விண்ணுமில்லை மண்ணுமில்லை மேலுமில்லை கீழுமில்லைபெண்ணுமில்லை ஆணுமில்லை பேடுமில்லை மூடுமில்லைதண்ணுமில்லை சூடுமில்லை சார்ந்தகர ணாதிகளின்கண்ணுமில்லை ஏகம்....

சமயக் காழ்ப்புணர்வுக்கு அப்பாற்பட்டு பிற சமய தெய்வங்களைப் பாடினார் எனினும் அடிநாதமாக ஏகத்துவம் எனும் ஒளியிழை அவர் பாடல்களில் பொதிந்து கிடந்தது...நபிகள் நாயக மான்மிய மஞ்சரியில் ஏகத்துவம் குறித்து அவர் பாடுவதைப் பாருங்கள்...எவையெல்லாம் இறை என்று மக்களால் கருதப் படுகிறதோ அதையெல்லாம் ஒவ்வொன்றாய் ஒதுக்கி வைத்து விட்டுஉண்மையான ஏகத்தை நிலை நிறுத்த முயல்கிறார்...

யோகமன்று ஞானமன்று யூகமன்று மோனமன்றுதேகமன்று நாமமன்று சித்தமன்று சத்தமன்றுபோகமன்று சுத்த பரிபூரணத்தில் பூரணமாஆக நின்ற ஏகம் ...வானுமில்லை நீருமில்லை வாயுமில்லை தேயுமில்லைநானுமில்லை நீயுமில்லை நாளுமில்லை கோளுமில்லைபானுமில்லை மீனுமில்லை பாரமதியோடு வெளிதானுமில்லை ஏகம்விண்ணுமில்லை மண்ணுமில்லை மேலுமில்லை கீழுமில்லைபெண்ணுமில்லை ஆணுமில்லை பேடுமில்லை மூடுமில்லைதண்ணுமில்லை சூடுமில்லை சார்ந்தகர ணாதிகளின்கண்ணுமில்லை ஏகம்....


அன்னாரைப்பற்றி இன்னும் கூடுதல் தகவல் நாம் கற்கவேண்டும். தமிழின் சுவையை இவர் போன்ற கடல்களில் கொஞ்சமேனும் நம் சிட்டுக்குருவி அலகாலேனும் பருக ஆசை கொள்ளவேண்டும்.

மனப்பாடப்பாடல்கள்

பத்தாம் வகுப்பு

மனப்பாடப்பாடல்கள் 

முதல் தொகுதி

வழங்குவோர்

திரு.ஐயப்பன் எம்.ஏ.,பி.எட்

தமிழாசிரியர்

இராமசுவாமி பிள்ளை மேல்நிலைப்பள்ளி

இலஞ்சி

பத்தாம் வகுப்பு - தமிழ் உரைநடை- திரைப்படக்கலை உருவான கதை

பத்தாம் வகுப்பு

தமிழ் உரைநடை

திரைப்படக்கலை உருவான கதை

முதல் பகுதி

இரண்டாம் பகுதி

திருவிளையாடற் புராணம்

வகுப்பு 9

திருவிளையாடற்புராணம்

பாஞ்சாலி சபதம் வில்லுப்பாட்டு வடிவில்

பாஞ்சாலி சபதம் தெருக்கூத்து

குமாிக் கண்டம்

பாஞ்சாலி சபதம்

அப்பூதியடிகளார் புராணம் விளக்கம்

அப்பூதியடிகள் நாயனார்

தமிழ்மொழி கற்பித்தலில் வாசிப்புத்திறனின் பங்கு

கற்றல் - கற்பித்தல்

முனைவர் மா. தியாகராஜன்

4. தமிழ்மொழி கற்பித்தலில் வாசிப்புத்திறனின் பங்கு

முன்னுரை

  நீட்டோலை வாசியானை நெடுமரம் என்றார் தமிழ்ப்பெரு மூதாட்டி ஒளவையார். இதன் வாயிலாக பல நூற்றாண்டுகளுக்கு முன்பே ‘வாசிப்பு’ என்ற சொல்லாட்சியின் ஆளூமையும், அதன் அவசியமும் உணர்த்தப்- பட்டுள்ளதை அறிந்திட இயலும். படித்தல், வாசித்தல் என்ற சொற்கள் ஒரே பொருளையே விளக்குகின்றன.

  ‘செந்தமிழும் நாப்பழக்கம்’என்பதைத் தமிழுலகம் அறியும். தமிழ் மொழியைப் புலம் பெயர்ந்த மக்கள் வாழும் நாடுகளில் வளர்ச்சியடையச் செய்ய வேண்டுமெனில், மொழித்திறன் வளர் பயிற்சியில் முக்கியமாகப் படித்தல் திறனை மாணவர்களிடையே எளிய வழிகளைப் பின்பற்றி போதித்தலின் வாயிலாக சிறந்த நிலையை எய்த இயலும்.

வாசிப்புத்திறனின் பயன்கள்

  ஒரு மனிதனைச் சந்திக்கின்ற பொழுது என்ன படிக்கிறாய் என்றோ அல்லது என்ன படித்திருக்கின்றாய் என்றோதான் கேட்கிறோம். பெரும்பாலான பகுதிகளில் திருமண நிகழ்வின் போது கூட பெண் என்ன படித்திருக்கின்றாள், மாப்பிள்ளை என்ன படித்திருக்கின்றார் என்றோதான் கேட்கிறோம். அந்தக் கேள்வியின் பொருள் கல்வித்தகுதியை உணர்த்துகிறது. இருப்பினும், படித்தல் அல்லது வாசித்தல் என்றால் இங்கே வாய் மொழியால் நாம் பெறுகின்ற மொழியறிவைத் தெளிவாக உணர்த்துகிறது.

‘கண்டதைப் படித்தால் பண்டிதனாகலாம்’ என்ற அனுபவக் கூற்றை நாம் இங்கே சிந்திக்க வேண்டும். கண்டது என்றால் கண்ணில் படுபவையெல்லாம் என்று பொருளாகும். அவ்வாறு, கண்ணில் பட்டதையெல்லாம் படித்தால் பண்டிதராக முடியுமா? என்றால், முடியும். படித்துத் திறன் வளர, வளர அறிவு வளர்ச்சி கூடுதல் அடையும். சொல்லாட்சி, சொல்வளம் முதலியவை மனதில் நிற்கும்.

வாசிப்புத் திறனை வளர்ப்பது எப்படி?

‘தேமதுர தமிழோசை உலகமெல்லாம் பரவி வகை செய்தல் வேண்டும்’, என்றார் மகாகவி பாரதி. அத்தகைய தேன் போன்ற இனிமையுடைய தமிழ்மொழியைப் பேசுகின்றவர்களின் எண்ணிக்கை குறைந்து வருவதாகப் புள்ளி விவரங்கள் காட்டுகின்றன. இதற்குக் காரணம் நவநாகரீக உலகில் ஆங்கில மொழியின் தாக்கம் தமிழ் மொழியை அதிகம் பேசுவதில் ஆர்வம் காட்டாத தமிழர்களின் மனப்போக்கு இத்தகைய சூழ்நிலையில், தமிழை, அதன் படிப்புத்திறனை வளர்ப்பதெற்கென்று கல்வியியல் சிந்தனையாளர்கள் பல்வேறு கருத்துரைகளை வழங்கி வருகின்றனர். படிப்புத்திறன் ஒரு சில இடையூறுகளைக் கொண்டுள்ளது. அது என்ன இடையூறு?

1. தமிழ் எழுத்துக்கள் குறில், நெடில் எனப் பிரிக்கப்பட்டுள்ளது. குறிலுக்கு ஒரு மாத்திரை என்றும், நெடிலுக்கு இரண்டு மாத்திரை என்றும், அளவுமுறை கையாளப்படுகிறது. வாசிப்புத்திறன், இத்தகைய ஒலிப்பு அளவீட்டு முறையைப் பின்பற்றி வளர்க்கப்பட வேண்டும்.

2. மாணவர்கள் வகுப்பறையில் பாடத்தை (உரைநடை) காற்புள்ளி, அரைப்புள்ளி, முக்காற்புள்ளி, முற்றுப்புள்ளி, நிறுத்தற்குறி, வினாக்குறி, ஆச்சர்யக்குறி, ஒற்றை மேற்கோள் இரட்டை மேற்கோள், முதலிய ஏற்ற இறக்கப் பொருள் மாறுபாடு ஆகியவற்றை உணர்ந்து படிப்பதற்கு ஆசிரியர்கள் வழிகாட்டியாய் இருக்க வேண்டும்.

3. படித்தல் திறன் வளர்ச்சிக்கு செய்யுள் வகுப்புகள் தமிழாசிரியர்களால் திறம்பட கையாளப்பட வேண்டும். செய்யுள் வகுப்புகளைக் கையாளுகின்ற மொழியாசிரியர்கள் முதலில் தாங்கள் செய்யுள் பிரித்துப் படித்துக் காட்டுதல் வேண்டும். முடிந்தால் இசையோடு பாடியும் காட்டலாம். அவ்வாறு ஒருமுறைக்கு இருமுறை படித்துக் காட்டிவிட்டு மாணவர்களைப் படிக்கச் செய்தல் வேண்டும். மாணவர்கள் அவ்வாறு பிரித்துப் படிக்கும் பொழுது உச்சரிப்பு ஏற்ற இறக்கம், பொருள் முதலியவற்றைப் பின்பற்றுகிறார்களா என்பதை மொழியாசிரியர்கள் கவனிக்க வேண்டும்.

வாசிப்புத்திறனின் நோக்கங்கள்

வாசிப்பதன் மூலம் எழுத்துக்களைக் கூட்டிப் பொருளை அறிகின்ற ஆற்றல் வளர்கிறது. மொழி கட்டமைப்பிலுள்ள ண,ன- ல,ள,ழ- ர,ற முதலிய எழுத்துக்களை சொற்களின் இடையில் வைத்து, வேறுபாடறிந்து உச்சரிக்கப் பழகுதல் முதலிய பயன்களே நோக்கங்கள் ஆகும்.

வாசிப்புத்திறனை மேம்படுத்த எளிய, புதிய யோசனைகள்

இன்றைய அறிவியல் யுகத்தில் பல்வேறு சாதனங்கள் படிப்புத்திறனை வளர்ப்பதற்கு துணை நிற்கிறது. இச்சூழலில் படிப்புத்திறனை வகுப்பறையில் மாணவர்களிடம் வளர்த்திட எளிய வழிகள் ஏராளமாய் உள்ளது.

1. இன்றைய தினம் அனைவரும் தொலைக்காட்சிகளில் செய்திகளைக் காணுகின்ற வழக்கம் உடையவராய் இருக்கின்றோம். சிங்கப்பூர் போன்ற நாடுகளில் இத்தகைய வாய்ப்பும், பழக்கமும் அதிகமாக உள்ளன.

2. மேற்கண்ட வாய்ப்பைப் பயன்படுத்தி மாணவரே குழுக்களாகப் பிரித்து ஒரு குழுவினரைப் பார்வையாளராகவும் மற்றொரு குழுவினரைச் செய்தி அறிவிப்பாளராகவும் பிரித்து செய்தித்தாட்களிலுள்ள செய்தி வெட்டுகளைச் சேகரித்து வரிசைப்படுத்தி வாசிக்கச் சொல்லலாம். இவ்வாறு செய்வதன் மூலம் வாசிக்கின்ற மாணவர் ஆர்வத்துடனும், கவனத்துடனும் வாசிப்பான். கேட்கின்ற குழுவில் உள்ளவர்கள் குறைகள் இருந்தால் சுட்டிக் காட்டலாம். இதன் மூலம் இரண்டு குழுக்களுக்கும் மாறி மாறி வாய்ப்பு கிட்டும். இதனால், ஒவ்வொருவரும் பிழையின்றி வாசிக்கும் முயற்சியில் ஆர்வம் காட்டுவர். படிப்புத்திறன் எளிதில் வளரும். இவ்வாறு செய்தி வாசிக்கும் மாணவர் தன்னை ஒரு செய்தி வாசிப்பாளராகவே எண்ணிக் கொள்ள வேண்டும். இவ்வாறு செய்வதன் மூலம் தன்னம்பிக்கையும், உச்சரிப்புத்திறனும் வாசிக்கும் ஆற்றலும் பெருகும்.

மேலும் சில விளையாட்டு முறைகள்

சாலைகளில் உள்ள விளம்பரப் பலகையைக் கவனிக்க அதிலுள்ள எச்சரிக்கைகளைப் படிக்கும் பழக்கம், பேருந்து நிலையங்களிலுள்ள கால அட்டவணைகளைப் படித்தல். மக்கள் அதிக அளவில் கூடும் இடங்களில் வைக்கப்பட்டுள்ள விதவிதமான விளம்பரப் பலகைகள் முதலியவற்றின் மாதிரிகளை அட்டைகளில் தயார் செய்து, வகுப்பறைகளில் அத்தகைய சூழலை உருவாக்கிப் படிக்கச் செய்தல்.

1. இங்கே வாகனங்களை நிறுத்தக்கூடாது

2. ஒரு வழிப் பாதை

3. சாலைப்பணி நடைபெறுகிறது, கவனமாகச் செல்லவும்

4. அனைத்துப் பொருள்களும் குறைந்த விலையில் கிடைக்கும்

போன்றவை. மேலும், ‘ஒன்று இங்கே, மற்றொன்று எங்கே’ என்ற தலைப்பில் விளம்பரங்களை ஒரு அட்டையில் எழுதி அதை இரண்டாக வெட்டி, அது போல பல விளம்பர அட்டைகளைச் சேகரித்து வெட்டிக் கலந்து வைக்க வேண்டும். குழுவினரை ஆளுக்கொன்று எடுக்கச் சொல்லி - ‘தலை இங்கே, வால் எங்கே’ என்று கேட்டு விளையாடலாம்.

எ.கா ‘லிட்டில் இந்தியா’ என்ற அட்டையை இரண்டாக வெட்டினால் லிட்டில் / இந்தியா என்று ஆளுக்கொரு அட்டை பிரிந்து விடும். இதனை எடுத்த மாணவர் படித்து ‘லிட்டில்’ இங்கே, இந்தியா எங்கே? என்று கேட்டால், இந்தியா இங்கே, என்று கூறி இணைய வேண்டும்.

i) சிங்க நடனத் திருவி ழா - இதனை பொருள் மாறாமல் வார்த்தைகளை இடம் விட்டு எழுதுமாறு சொல்ல, அதனை உரக்க படித்து இணைத்தல்.

ii) பூங்காவில் உள்ள புல் தரையில் நட க்கா தீர்.

மேற்கண்டவாறு நிறைய விளம்பரங்களை, எச்சரிக்கைகளைச் சேகரித்து வாசிப்புத் திறனை மேம்படுத்தலாம்.

சுக்கு, மிளகு, திப்பிலி என்ற மருந்துப் பெயர்களை படிக்கத் தெரியாதவன் படிக்கும் போது, ‘சுக்குமி ளகுதி ப்பிலி’என்று படித்ததாகக் கூறுவார்கள். இது எத்தனை வேடிக்கையாக உள்ளது. அதனால்தான் படிக்கும் பயிற்சி முக்கியமானதாக இருக்கிறது. அதனை முறையாக வளர்க்க வேண்டியதும் அவசியமாக இருக்கிறது.

தனி வேலை

வாசிப்புத் திறன் வளர்ச்சிக்கு தனிவேலை என்று வரும்போது, செய்தித்தாள், மாத இதழ், வார இதழ், போன்றவைகளில் வருகின்ற செய்திகள், நகைச்சுவைத் துணுக்குகள், சிறுகதைகள், வினாடி-வினா பகுதிகள் முதலியவற்றைச் சேகரித்து அவற்றைப் படிக்கும் பழக்கத்தைத் தொடர்ந்து பெறுதல்.

இணை வேலை

‘இணை’ என்றால் இணைந்து செயல்படுதல். “ஒருவருக்கு இருவர் துணை” என்று சொல்வார்கள். இணைந்து செயல்படும் போது ஒருவருக்கு ஒருவர் புதிய புதிய யோசனைகளைப் பகிர்ந்து கொள்ளும் வாய்ப்பு இருக்கிறது. அத்துடன் வாசிப்புத் திறனில் எற்படும் குறைபாடுகளைச் சகமாணவர் சுட்டிக்காட்டும் வாய்ப்பும் அத்தகைய தவறு தனக்கு ஏற்படாமல் இருக்கவும் பயன் தருகிறது.

குழு வேலை

மாணவர்கள் எப்போதும் நண்பர்களோடு சேர்ந்து கூட்டமாக இருப்பதையே பெரிதும் விரும்புகிறார்கள். இந்தச் சூழலைப் பயன்படுத்தி வாசிப்புத் திறனை எளிதாக வளர்க்க முடியும். நூல்களின் பெயர்கள், ஊர்களின் பெயர்கள், திரைப்படங்களின் பெயர்கள், தலைவர்களின் பெயர்கள், திரைப்பட நட்சத்திரங்களின் பெயர்கள், விளையாட்டு வீரர்களின் பெயர்கள், முதலியவற்றைச்சேகரித்து அவற்றை அட்டைகளில் எழுதி கையில் தூக்கிப் பிடித்துக் கொள்ளச் செய்து குழுக்களில் உள்ளவர்கள் ஒவ்வொருவராக அதனைப் படிக்கச் செய்தல் வேண்டும். அத்துடன், அவற்றோடு தொடர்புடைய செய்திகளையும் கூறச் செய்தல் வேண்டும்.

கிரிக்கெட் (அட்டை 1) சச்சின் (அட்டை 2)

கேள்வி இந்தியாவின் (கிரிக்கெட்) நட்சத்திர ஆட்டக்காரர் யார்?

திருக்குறள் (அட்டை 1) திருவள்ளுவர் (அட்டை 2)

உலகப்பொதுமறையாம் திருக்குறளை இயற்றியவர் யார்?

மேற்கண்டவாறு தொடர்புடைய அட்டைகளைக் குழுவினர்களிடையே கொடுக்க வேண்டும். அவர்களே முயன்று அட்டைகளைத் தயாரிக்க ஆசிரியர் வழிகாட்டலாம். இத்தகைய முயற்சிகளால் வாசிப்புத் திறன் நன்கு வளரும்.

பார்வை நூல்கள் விவரம்

1. தமிழ் பயிற்றும் முறை, டாக்டர் ந.சுப்பு ரெட்டியார், மெய்யப்பன் தமிழாய்வகம் வெளியீடு, சிதம்பரம், டிசம்பர்2000.

2. நற்றமிழ் கற்பிக்கும் முறைகள், வி.கணபதி, சந்திரிகா ராஜமோகன் சாந்தா பப்ளிஷர்ஸ், சென்னை, 2002.

3. கார்த்திகேயன் கம்பெனி, (1970), கற்பித்தல் பொது முறைகள், ஏசியன் பிரிண்டர்ஸ், சென்னை.

4. Sandra Siberstein, 1994 Techniques And Resources in Teaching Reading. Oxford university Press.

5. Wendy A.Scott and Lisbeth H.treberg Teaching, 1990 English to Children.Longman

6. H.Clark, 1986, Secondary And Middle School Teaching Methods, Fifth Edition, Macmillan Publishing Company, New York.

7. கோவிந்தசாமி, நா.,(1986), வாசிப்புக் கற்பித்தல்: தமிழ்ப் பள்ளியின் வரலாறு 1946-1982.

8. கோபால் மீராபாய், (1979), Diagnostic Test of Reading Comprehension Skills at Secondary School Level, RELC.

9. லாவ் டெக் இங், (1975), கோடிட்ட இடத்தை நிரப்புதல் வழி மெளன வாசிப்புக் கற்பித்தல், ஆங்கிலமொழி நிலையம், சிங்கப்பூர்.

10. வாங் கிம் லாவ், (1979), Measuring Readability of Reading Comprehension Materials in English, RELC.

நன்றி                                             கற்றல் - கற்பித்தல்

முனைவர் மா. தியாகராஜன்முன் பகுதி  | அடுத்த பகுதி

படித்தல் திறன்

கல்வி ஆராய்ச்சிகள் 

---

வரிசை எண் : 79

தமிழில் படித்தல் திறன் வளர...

---

மொழி கற்றலில் அடிப்படையாக இருப்பவை

- எழுத்து அறிதல்
- எழுத்தை இணைத்துப் படித்து சொற்களைப் படிக்க அறிதல்
- எழுத்துகளை இணைத்து சொற்களை பிழையின்றி எழுத அறிதல்
- சொற்களுக்கான படங்களை அறிதல்
- சொற்களை இணைத்துத் தொடர்களை உருவாக்க அறிதல்
- பேசுதல்


இன்றைய சூழலில் 25 விழுக்காடு மாணவர்களுக்குப் படிக்கத் தெரியவில்லை. சொல்வது எழுதுதல் தேர்வு வைத்தால் பிழையாகத்தான் எழுதுகிறார்கள். தமிழில் எழுதவும் படிக்கவும் தெரியாத மாணவர்கள் தொடக்க நிலை வகுப்புகளில் மட்டுமல்ல, 6, 7, 8 வகுப்புகளிலும் கூட இருப்பதுதான் வேதனையான நிலை. இக்குறையை நீக்கி மாணவர்களைப் படிக்க வைப்பதற்கான ஒரு அணுகுமுறையானது தேவைப்பட்டது,

கடந்த ஐந்து ஆண்டுகளாக நமது தாய்த் தமிழ் தொடக்கப்பள்ளியில் இது தொடர்பாக இயங்கியதன் விளைவு தான் நீங்கள் மேலே பார்த்துக் கொண்டிருக்கும் அட்டைகள். சென்ற ஆண்டு இதற்காக நான் உருவாக்கி வைத்திருந்த 42 அட்டைகளை கோவை மாவட்ட அனைவருக்கும் கல்வி இயக்கம் வண்ணத்தில் அச்சாக்கிக் கொடுத்தது. சென்ற ஆண்டு இந்த அட்டைகளின் வழி மாணவர்களுக்குப் பயிற்சி தரப்பட்டது. மாணவர்களைத் தொடர்ந்து அணுகியதில் இந்த அட்டைகள் மேலும் செறிவூட்டப் பட்டு - 32 அட்டைகளுக்குள் அனைத்தும் அடக்கப்பட்டது. மேலும் மாணவர்கள் தங்கள் கையில் எடுத்துப் பார்த்து, புரிந்து கொள்ளும் வகையில் - சீட்டுக் கட்டு அளவில் உள்ள சிறிய அட்டைகளாக இவை உருவாக்கப் பட்டன. இந்த அட்டைகளைப் பயன் படுத்தினால் மாணவர்கள் மூன்றே மாதங்களுக்குள் தமிழ்ச் செய்தித்தாளைப் படிக்கும் ஆற்றலைப் பெறுவார்கள். 

---

தமிழில் படித்தல் திறன் வளர,,,

கேட்டல், பேசுதல், படித்தல், மற்றும் எழுதுதல் என்பன மொழியின் அடிப்படைக்கூறுகளாகும். ஒரு மொழியில் புலமை உடையவர் என்பவர் இந்த நான்கு அடிப்படைக் கூறுகளிலும் புலமை உடையவராக இருத்தல் வேண்டும்.

ஒரு மொழியைத் தாய்மொழியாகக் கொண்டவர், தாய்மொழியைத் தங்களது சூழலில் பேசுவதால் அம் மொழிக்கான பேசுதல், கேட்டல் என்கிற இரண்டு அடிப்படைக் கூறுகளும், இயல்பாகவே அவருக்குள் அமைந்திருக்கும்.

தொடக்கநிலைக் கல்வி நிலையங்களில், தாய்மொழியை ஒருவர் படிக்கும் பொழுது கல்வி நிலையங்கள் எழுதுதல் படித்தல் என்கிற அடிப்படைக் கூறுகளை மட்டும் பயிற்றுவித்தாலே போதும். அவர் அந்த மொழியில் புலமை பெற்றவராகி விடுவார்.

தொடக்க நிலைக் கல்வி நிலையங்களில், தாய்மொழி அல்லாத வேற்றுமொழியைக் கற்பிக்கும் பொழுது, மொழியின் அடிப்படைக் கூறுகள் நான்கினையும் (கேட்டல், பேசுதல், படித்தல், மற்றும் எழுதுதல்) மொழி கற்பித்தலுக்காகக் கல்விக் கூடங்கள் பயிற்சி தரவேண்டியது தவிர்க்க முடியாததாகிறது.

உலகம் முழுவதும் வாழுகின்ற நம் தமிழ் மக்கள் கேட்டல், பேசுதல் என்கிற மொழியின் அடிப்படைக் கூறுகளை பிள்ளைகளுக்கு அறிமுகம் செய்ய, வீட்டில் பயிற்சி தந்தால், அதாவது வீடுகளில் தமிழ் பேசினால், பள்ளிகளில் தமிழ் கற்பித்தல் என்பது எளிமையானதாக இருக்கும். தமிழகத்தில் வாழுகிற தமிழ் மக்களுக்கும் இதே நிலைதான்.

இன்றைய சூழலில் 6, 7, 8 வகுப்பு படிக்கும் மாணவர்களில் 20 விழுக்காட்டினர் தமிழில் படிக்கத் தடுமாறுகிறார்கள். தமிழ்ச் சொற்களைப் பிழையின்றி எழுத இயலவில்லை. இக்குறையை நீக்க இந்தப் புதிய அணுகுமுறை பெரிதும் உதவும் என நம்புகிறேன்.

இந்த அணுகுமுறையைத் தொடக்கப்பள்ளிகளில் இரண்டாம் வகுப்பு மாணவர்களிடம் அறிமுகப்படுத்தினால் இரண்டாம் வகுப்பு இறுதியில் அனைத்து மாணவர்களும் படித்தல் திறனில் மேம்பட வாய்ப்புண்டு. எழுத்துகளை இணைத்துச் சரியாகப் படிக்கும் மாணவர்கள், பிழையில்லாமல் எழுதும் ஆற்றலைப் பெறுவார்கள்.

இந்த அணுகுமுறையைச் சிறப்பாக நிகழ்த்த ஆசிரியர்கள் கீழ்க்காணும் படிநிலைகளை நெஞ்சில் நிறுத்திச் செயல்படவேண்டும். .

1. எழுத்து அறிமுகம்
2. கற்ற எழுத்துகளைச் செய்தித் தாளில் மீள்பார்வை செய்தல்.
3. கற்ற இரண்டு எழுத்துகளை இணைத்துப் படித்தல்.
4. குறியீடுகளை உணர்ந்து, குறியீடுகளை எழுத்துகளோடு பொருத்திப் படித்தல்

1. எழுத்து அறிமுகம் -

எழுத்துகளை கரும்பலகையிலோ, எழுதுபலகையிலோ, குறிப்பேட்டிலோ எழுதிக்காட்டி - எழுத்தின் மீது எழுதவைத்து, உரிய வடிவில் சரியாக எழுதவும், அந்த எழுத்துக்கான சரியான ஒலிப்பு முறைப்படி ஒலிக்கவும் எழுத்துகளை எழுதும் பொழுது எழுத்தின் ஒலிப்பு முறையை சொல்லிக் கொண்டே எழுதவும் பயிற்சி தரவேண்டும்.

2. கற்ற எழுத்துகளைச் செய்தித் தாளில் மீள்பார்வை செய்தல் -

ஒவ்வொரு நாளும் மாணவர்களது ஏற்புத்திறனுக்கு ஏற்றவாறு ஒன்று அல்லது இரண்டு எழுத்துகளை எழுதிக்காட்டி எழுத்து அறிமுகம் செய்த பிறகு - மாணவர்கள் அந்த எழுத்துகளை நன்கு பயிற்சி செய்த பிறகு - அடுத்த நாளில் அந்த எழுத்துகளைச் செய்தித்தாளில் வட்டமிட்டு மீள்பார்வை செய்யப் பயிற்றுவித்தல் வேண்டும். ஒவ்வொரு நாளும் வகுப்பறைச் செயற்பாடுகளில் ஒன்றாக செய்தித்தாளில் வட்டமிடுதல் நிகழ்த்தப்படவேண்டும். மாணவர்கள் செய்தித்தாளில் கற்ற எழுத்துகளை வட்டமிட்டு மீள்பார்வை செய்யும் பொழுது, வரியொற்றித் தேடுதலை முதன்மைப் படுத்த வேண்டும்.

அங்கொன்றும் இங்கொன்றுமாகத் தேடி வட்டமிடுவதைத் தவிர்க்க வேண்டும். வட்டமிட வேண்டிய எழுத்துகளை மாணவர்கள் வரியொற்றித் தேடும் பொழுது தேடுகிற எழுத்து மட்டுமல்லாது மற்ற எழுத்துகளின் வரிவடிவங்களும் அவர்களை அறியாமலேயே அவர்களுக்குள் பதிவாகும். வகுப்பறையில் ஒவ்வொருநாளும் செய்தித்தாள் வட்டமிடுதல் நிகழ்வை 15 மணித்துளிகளுக்காவது நிகழத்த வேண்டும். அப்பொழுது மீத்திறன் மிக்க மாணவர்களின் அருகில் மெதுவாகக் கற்போரை அமர்த்தி - நண்பர்களிடமிருந்து கற்றலை ஊக்குவிக்கலாம். ஒவ்வொரு மாணவரும் தங்களது செய்தித்தாளில் எழுத்துகளைத் தேடி வட்டமிடும் செயலைச் செய்ய ஊக்குவிக்க வேண்டும்.

3. கற்ற இரண்டு எழுத்துகளை இணைத்துப் படித்தல் -

மாணவர்கள் கற்ற எழுத்துகளின் அடிப்படையில் அமைந்த இரண்டு எழுத்துகளை இணைத்துப் படிக்க ஊக்குவிக்க வேண்டும். மாணவர்களே அந்த இரண்டு எழுத்துகளை இணைத்துப் படிக்கும் பொழுது, எழுத்துகள் நுட்பமாகப் பதிவதோடு, படித்தல் திறனுக்கான அடித்தளமானது மாணவர்களிடம் உருவாக்கப்படுகிறது. எழுத்துகளை இணைத்துப் படிக்கும் பொழுது மாணவர்களே படிக்க வேண்டும். ஆசிரியர் ஒலிப்பு முறையைச் சொல்லிக் கொடுக்கக்கூடாது. அவர்களாகவே முயன்று ஒலிக்க ஊக்குவிக்க வேண்டும். தமிழ் ஓர் ஒலியன் மொழி. எழுத்துகளின் ஒலிப்பு முறையை இணைத்து வேகமாக ஒலித்தாலே போதும். அந்த இரண்டு எழுத்துக்குரிய ஒலிப்புமுறையானது தானாகவே வரும். (மம், ம்ம, பப், ப்ப, ம்மா, ப்பா, அம்மா, அப்பா)

4. குறியீடுகளை எழுத்துகளோடு பொருத்தி ஒலிக்கப் பயிற்சி தருதல் -

குறியீடுகளை உணர்ந்து, குறியீடுகளுக்குரிய ஒலிப்புமுறையை உள்வாங்கி, குறியீடுகளை எழுத்துகளோடு பொருத்தி ஒலிக்கப் பயிற்சி தருதல். தமிழ் மொழியிலுள்ள உ, ஊ வரிசை உயிர்மெய் எழுத்துகளைத் தவிர மற்ற உயிர்மெய் எழுத்துகள் அனைத்தும் ஓர் அடிப்படையான கட்டமைப்பில் அமைக்கப்பட்டுள்ளன. ஒன்பது வகையான குறியீடுகளை (ா, ி, ீ, ெ, ே, ை, ெ ா, ே ா, ெ ள) மாணவர்களுக்கு ஒவ்வொன்றாக அறிமுகப்படுத்த வேண்டும். குறியீட்டினை அறிமுகப்படுத்தி அந்தக் குறியீட்டிற்குரிய ஒலிப்பு முறையை அறிமுகப்படுத்தி - கற்றுக் கொண்ட குறியீடுகளைச் செய்தித்தாளில் வட்டமிட்டு மீள்பார்வை செய்து - இறுதியாக குறியீடுகளை எழுத்துகளோடு பொருத்தி ஒலிக்கப் பயிற்சி தர வேண்டும். இந்த அணுகுமுறையில் பயிற்றுவிக்கும் பொழுது எழுத்துகள் மாணவர்கள் நெஞ்சில் நீங்காமல் பதிவாகின்றன.

தமிழில் படித்தல் திறனை வளர்த்துதற்கான புதிய அணுகுமுறை

இரண்டாம் வகுப்பு மாணவர்களிடம் படித்தல் திறனை வளர்ப்பதற்காக இந்த 32 அட்டைகள் வடிவமைக்கப் பட்டுள்ளன. இந்த அட்டைகளில் மாணவர்கள் தமிழ் எழுத்துகளைக் கற்றுக் கொள்வதற்கான படிநிலையானது வரிசைப்படுத்தப்பட்டுள்ளன. இந்த அணுகுமுறையில் மாணவர்களது கற்றல் நிகழ்வுகள் 4 நிலைகளாகப் பிரிக்கப்பட்டுள்ளன.

நிலை 1. ட, ட் முதல் ற், ற வரையிலான எழுத்துகள் ( 16 அட்டைகள் )

நிலை 2. அ முதல் ஓ வரையிலான எழுத்துகள் ( 3 அட்டைகள் )

நிலை 3. 8 குறியீடுகளைக் கற்பித்து, மீள்பார்வை செய்து, குறியீடுகளை எழுத்துகளோடு பொருத்தி ஒலிக்க வைத்தல். ( 8 அட்டைகள்)

நிலை 4. உ, ஊ, ஒள வரிசைக்கான எழுத்துகள். (4 அட்டைகள் )

மாணவர்களது வளர்ச்சிப் படிநிலைகளைப் பதிவுசெய்யும் அட்டை ஒன்று

ஆக 32 அட்டைகள் உள்ளன.

இந்த 32 அட்டைகளைக் கொண்டு
மாணவர்களிடம் படித்தல் திறனை வளர்த்துவது எப்படி ?


1) அட்டைகளை வரிசையாகக் கற்க ஊக்குவிக்கவும்.

2) முதல் அட்டையில் உள்ள ட, ட் எழுத்துகளை எழுதவும், அடையாளம் காட்டவும் பயிற்சி தரவும். மாணவர்களது ஏற்புத் திறனுக்குத் தகுந்தவாறு எழுத்துகளைக் கற்றுக் கொள்ளும் நாள்கள் வேறுபடும். எழுத்துகளை மாணவர்கள் படித்து முடித்த பிறகு அடுத்த நாள் செய்தித்தாளில் அந்த எழுத்துகளை வட்டமிடச் செய்யவும். (ஒவ்வொரு நாளும் வகுப்பறையில் செய்தித்தாள் வட்டமிடுதலை நிகழ்த்திக் கொண்டே இருக்க வேண்டும்) முதல் இரண்டு அட்டைகளில் மாணவர்கள் ட, ட் மற்றும் ப, ப் என நான்கு எழுத்துகளைக் கற்றுக் கொண்டார்கள் - எழுத்துகளைச் செய்தித்தாளில் வட்டமிட்டுவிட்டார்கள். இப்பொழுது அட்டையின் பின்புறம் உள்ள எழுத்துகளை மாணவர்களே எழுத்துக் கூட்டிப் படிக்க ஊக்குவிக்கவும். ஆசிரியர் சொல்லிக் கொடுக்கக் கூடாது. மாணவர்களே முயன்று படிக்க ஊக்குவிக்க வேண்டும். எழுத்துகளை வேகமாக இணைத்து ஒலித்தாலே அந்த இரண்டு எழுத்துக்குரிய ஒலிப்புமுறை தானகவே வரும். இரண்டு எழுத்துகளை இணைத்துப் படிக்கிற இந்தச் செயல்பாடு 7 ஆவது அட்டை வரை தரப்பட்டுள்ளன. எழுத்துகளைப் படிக்கத் தெரிந்து சொற்களை படிக்கக் தடுமாறுகிற மெதுவாகக் கற்கும் மாணவர்களுக்கு இதுபோல எழுத்துகளை இணைத்துப் படிக்கிற செயற்பாடுகளை 16 ஆவது அட்டை வரையிலும் தரலாம்.

முதல் இரண்டு அட்டையிலுள்ள நான்கு எழுத்துகளைப் படித்து, செய்தித்தாளில் வட்டமிட்டு மீள்பார்வை செய்து, அட்டையின் பின் பகுதியில் உள்ள எழுத்துகளை இணைத்துப் படிக்கப் பயிற்சி எடுத்தது போலத் தொடர்ந்து ஒவ்வொரு அட்டையிலுள்ள எழுத்தாகப் படித்து செய்தித்தாளில் வட்டமிட்டு மீள்பார்வை செய்து, அட்டையின் பின்பகுதியில் உள்ள சொற்களைப் படித்துப் பழகப் பயிற்சி தரவும். 16ஆவது அட்டை வரை இந்தப் பயிற்சி தொடருகிறது.

17, 18, 19 ஆகிய மூன்று அட்டைகளிலும் அ, ஆ - இ, ஈ - எ, ஏ - ஐ - ஒ, ஓ - என்கிற உயிர் எழுத்துகளானது கற்பிக்கப்படுகின்றன. இவற்றைக் குறில் நெடில் வேறுபாட்டுடன் கற்றுக் கொள்ள ஊக்குவிக்கவும்.

3) 20 ஆவது அட்டையில் தான் குறியீடுகள் அறிமுகம் செய்யப்படுகின்றன. குறியீடுகள் சிவப்பு வண்ணத்தில் காட்டப்பட்டுள்ளன. மாணவர்கள் குறியீடுகளை அடையாளம் காட்டவும், அதற்குரிய ஒலிப்புமுறையை உள்வாங்கவும் - எழுத்துகளோடு குறியீடுகள் பொருந்தும் போது எப்படி ஒலிக்கும் என்பதையும் விளக்கினால் போதும். மாணவர்கள் எளிதாக எழுத்துகளைப் புரிந்து கொண்டு ஒலித்துக் காட்டுவார்கள். பிறகு அந்த எழுத்துகளைச் செய்தித்தாளில் வட்டமிடச் செய்வும். முன்புபோலவே, அட்டையின் பின்பகுதியில் உள்ள சொற்களைப் படிக்க ஊக்குவிக்கவும்.

4) உ, ஊ, ஒள - வரிசையில் உள்ள எழுத்துகளின் பயன்பாடு மிகக் குறைவே. உ, ஊ வரிசை எழுத்துகள் - புதிய வடிவம் பெறுகின்றன - இவை மாணவர்கள் மனதில் நிற்பதில்லை. எனவே இவற்றை ஈ வரிசைக்குப் பிறகு அறிமுகம் செய்யாமல் இறுதியில் அறிமுகம் செய்ய வேண்டுகிறோம். அதுவும் பயனாகுகிற எழுத்துகளை மாணவர்கள் ஒலிக்கவும், செய்தித்தாளில் வட்டமிட்டு அடையாளம் காட்டவும் பயிற்சி தந்தால் போதும்.

ஒவ்வொரு நாளும் வகுப்பறையில் 15 நிமிடங்களுக்குச் செய்தாளில் வட்டமிடும் செயலை நிகழ்த்திக் கொண்டிருந்தால், எழுத்துகள் நுட்பமாகப் பதிவதோடு, செய்தித்தாளில் எழுத்துகளை இணைத்துப் படித்தல் இயல்பாக உருவாகி, படிக்கத் தொடங்குவார்கள்.

நம்தமிழ் மாணவர்கள் படித்தல் திறனில் மேலெழுந்து இயல்பாகப் படிக்கவும், படித்தவற்றை பொருளுணர்ந்து உள்வாங்கவும் இந்த அணுகுமுறையைப் பயன்படுத்திக் கொள்ளுமாறு கேட்டுக் கொள்கிறேன். புரிதலில் மாணவர்களுக்கு இடர்பாடுகள் ஏற்பட்டாலோ, அல்லது இந்த அணுகுமுறையில் ஏதேனும் சிக்கல்கள் எழுந்தாலோ, அருள்கூர்ந்து தொடர்பு கொள்ளுமாறு வேண்டுகிறேன். 

நன்றி

---

நன்றி   www.thamizham.net - pollachinasan@gmail.com - 9788552061 - (04259)221278 

பெருந்தலைவர் காமராஜர் தமிழ் உரைநடை

தமிழ்

ஒன்பதாம் வகுப்பு

உரைநடை

பெருந்தலைவர் காமராஜர்

இக்காணொளி 39 நிமிடங்கள் அடங்கியது.